fbpx
 

Марк Мекарти е факултетски професор на Универзитетот Џорџтаун, соработник на Центарот за бизнис и јавни политики на Џорџтаун и Виш заменик претседател за јавни политики на Здружението за софтверска и информатичка индустрија (SIIA).

Љубица Спасковска е доцент на Универзитетот во Ексетер (University of Exeter) во Велика Британија. Докторирала на истиот универзитет во 2014 година и магистрирала на Централно Европскиот Универзитет во Будимпешта, како и на регионалната програма за демократија и човекови права на Универзитетите во Болоња и Сараево. Таа е автор на научната монографија The Last Yugoslav Generation: the Rethinking of Youth Politics and Cultures in Late Socialism (Manchester University Press, 2017).

Драгана Бјелица е родена 1978 година во Нови Сад. Живее и работи во Белград и го води Образовниот центар на Здружението на новинари на Србија. Соработувала со „Вечерни новости“ и неделникот „НИН“, а го уредувала и списанието за медиумски професионалци „Линк“. Завршила новинарство на Факултетот за политички науки. Сака документарни филмови, а се занимава и со нуркање.

Алиса Амико е Управен директор на GOVERN – Центар за економско и деловно владеење. 

Јона Копренцка е асистент на одделот за меѓународни односи и политички науки при Универзитетот Епока во Тирана, Албанија. Таа е поранешен заменик уредник на онлајн веб-порталот "Gazeta Mendimi" кој, меѓудругото, покрива прашања поврзани со конфликтите во Средниот Исток и односите помеѓу Русија и НАТО/САД на Балканот.

Масимо Пиглиучи е професор по филозофија на К.Д. Ирани на Градскиот колеџ во Њујорк. Тој е автор на книгата How to Be a Stoic: Using Ancient Philosophy to Live a Modern Life. Неговите блогови може да ги прочитате на patreon.com/PlatoFootnotes.

Бранко Прља е член на ДПМ (Друштво на писатели на Македонија) и на ЗНМ (Здружение на новинарите на Македонија). Дипломирал на Факултетот за арт и дизајн при Европскиот универзитет. Како писател има објавено повеќе од 15 дела, а пишува и под псевдонимот Берт Стајн. Основач е на порталот arno.mk, како и на групите „Дај, не фрлај“ и „Не фрлај, не загадувај“ преку кои работи на ширењето на свеста за рециклирањето, реупотребата и намалената употреба со цел зачувување на околината.

Ејдриен Мејор, научен соработник за класици, историја и филозофија на науката на Универзитетот Стенфорд, е предавач на постдипломски студии и истражувач од Бегруен за 2018-2019 година во Центарот за напредни студии за бихејвиористички науки при Стенфорд. Таа е автор на книгата која наскоро ќе биде објавена: Gods and Robots: Myth, Machines, and Ancient Dreams of Technology (ноември 2018). 

Пол Сибрајт е директор на Институтот за напредни студии во Тулуз.

Лидија Топузовска е дипломиран професор по книжевност и македонски јазик на Филолошкиот факултет во Скопје, како и почесен доктор на науки на Факултетот за менаџмент и туризам, Скопје. Таа е и поранешен Генерален секретар на Националната комисија за УНЕСКО (1998 - 2017).

Стефани фон Фридебург е главен оперативен директор на Меѓународната финансиска корпорација, членка на Светската банка.

Лилјана Пецова – Илиеска, магистер по филолошки науки, основач на ИМПЕТУС – Центар за интернет, развој и добро управување, како и еден од основачите на Форумот за управување на интернет во Македонија. Претходно десетгодишно работно искуство во Министерството за внатрешни работи, по што следи 4 годишна советодавна позиција во Дирекцијата за заштита на личните податоци, каде беше дел и од експертската работна група на Меѓуресорското тело за заштита на човекови права на РМ. Дел е од заедницата за заштита на приватноста со посебен интерес кон секторот „безбедност и следење“ и „приватноста во медиумите“.

Кире Бабаноски е доктор во областа на безбедноста и во моментов работи како доцент на Факултетот за безбедносни студии, МИТ Универзитет - Скопје, одговорен за предметите Основи на безбедност, Национална безбедност, Тероризам и Криминалистика. Во ИМПЕТУС Центарот за интернет, развој и добро управување - Скопје е програмски директор за безбедност. Главниот предмет на научен, академски и професионален интерес му се националната и регионалната безбедност, безбедносната политика и современите безбедносни предизвици, ризици и закани.

Виолета Зефи докторирала на психологија на Универзитетот Масарик во Република Чешка. Во моментов е професорка на Колеџот „УБТ“ во Косово, а работи на советување и психо-едукација на лицата со ХИВ во Косово. Нејзините главни истражувачки интереси се менталното здравје и стигмата, врската меѓу ставовите и однесувањето, психо – социјалните аспекти на здравјето и опасното однесување кај адолесцентите и кај младите.

Јасмин Калач е докторант на катедрата за казнено право на Правниот Факултет при Анкарскиот Универзитет во Турција. Работи како Адвокат и негови главни полиња на интерес се казненото право, криминологијата, пенологијата и човековите права.

Тамара Ќупева е долгодишена истражувач од областа на образованието и комуникациите. Професорка, доктор на филолошки науки од 2010 година, автор на десетици стручни трудови и книги („Креативната настава и текстот“ и „Педагошка комуникација“). Во 2018 година го заврши студискиот престој во САД, во рамки на програмата SUSI. Долгогодишен соработник е на Високата школа за новинарство и односи со јавноста, весникот „Медиум“ и Македонскиот институт за медиуми. Таа е и ментор по практична настава на студентите од Филолошкиот факултет „Блаже Конески“ - Скопје.

Радован Спиридонов е студент по меѓународни односи и филозофија на УКИМ. Ангажиран во Центарот за истражување и креирање политики, тој исто така предава дебата во МОФ, соработувал со ОБСЕ, и е стипендист на фондацијата Конрад Аденауер. Работи на проекти од областа на документарната фотографија. Негови главни полиња на интерес се политичката филозофија, светската политика, историјата и футорологијата.

Бјорн Ихлер, млад лидер на Екстремно заедно во Фондацијата Кофи Анан и ко-основач на Институтот „Калифа Ихлер“, е експерт за меѓународна борба против екстремизмот, технолог и активист.

Фатима Заман, млад лидер на Екстремно заедно во Фондацијата Кофи Анан, ја предводи мобилната акција за борба против насилниот екстремизам во училиштата и универзитетите во Обединетото Кралство.

  • Блогирај +

    Приклучете се кон тимот соработници и предложете тема или испратeте текст, со Ваша фотографија и куса биографија на info@iks.edu.mk.Повеќе

  • Насоки +

    Текстовите треба да имаат помеѓу 900 и 1300 зборови и да бидат напишани во куси пасуси, во разбирлив и неформален стил. Повеќе

  • Преземи +

    Содржината на блогот е слободна за споделување и читателите можат да оставаат разумни и конструктивни коментари на блоговите. Повеќе

  • 1

Следете не