Петрит Сарачини дипломирал новинарство на Правниот факултет „Јустинијан I“ во Скопје, магистрант на Институтот за комуникациски студии. Работел и објавувал како новинар, уредник, продуцент, водител и колумнист во “Дневник”, “Лоби”, “Прес онлајн”,“Фљака”, “Лајф Радио”, “Слободен печат”, “ТВ21”. Има долгогодишно искуство во медиумските истражувања, стекнато како раководител на програми во Македонскиот институт за медиуми, каде што учествувал и раководел со повеќе национални и регионални проекти од областа на медиумите.  Автор е и коавтор на повеќе домашни и меѓународни истражувања и стручни трудови од областа на медиумите, меѓу кои “Косово и медиумите”, “Состојбата со медиумите на заедниците во Република Македонија”, “Прирачник по медиумска писменост за наставниците по мајчин јазик”, “Балканските соседи во медиумите”, “Говорот на омраза на Интернет во земјите на Југоситочна Европа” “Македонија во дигиталната ера – меѓу правата и одговорностите при комуницирањето на интернет”.