fbpx
 

Алфонс Ракаџ е истражувач и координатор на проектот за демократизација, безбедност и интеграција на Албанија и Западен Балкан во Институтот за политички студии во Тирана. Тој ги има завршено магистерските студии по меѓународни односи на Кинг колеџот (King's College) во Лондон. Тој ги има завршено своите додипломски меѓународни студии на државниот универзитет во Орегон, САД.

Леони Ракаџ Вругтман е истражувач и координатор на проекти што работи на институционална одговорност, верска толеранција, пристапување на Албанија во ЕУ и спречување / борба против насилниот екстремизам во ИДМ Албанија. Покрај својата работа во ИДМ, Леони е аналитичар во Глобал инсајт. Таа има магистрирано по меѓународни односи на Кинг колеџот во Лондон а своите додипломски студии по комуникација ги има завршено на Универзитетот во Амстердам.

Џозеп Борел e Висок претставник на ЕУ за надворешни односи и безбедносни политики и е заменик председател на Европската Комисија.

Тим Диксон и Матиè Лефевр се коосновачи на More in Common, меѓународна непрофитна организација која работи на тоа да им помогне на општествата да бидат поотпорни на заканите од поларизација и општествени поделби.

Нуриел Рубини е професор по економија на Стерн школата за бизнис на Универзитетот во Њујорк и претседател на „Roubini Macro Associates”. Тој е поранешен виш економист за меѓународни односи во Советот на економски советници во Белата куќа за време на администрацијата на Клинтон. Работел за Меѓународниот монетарен фонд, Федералните резерви на САД и Светската банка. Неговата веб-страница е NourielRoubini.com.

Том Фрајден е поранешен директор на американските центри за контрола и превенција на болести на Соединетите Држави и поранешен директор на Секторот за здравство на Градот Њујорк. Сега е претседател на глобалната непрофитна иницијатива Resolve to Save Lives во рамките на пошироката иницијатива за Vital Strategies, како и научен соработник за глобално здравје во Советот за односи со странство.

Кемал Дервиш е поранешен министер за економски работи на Турција и поранешен администратор на Програмата за развој на Обединетите нации (UNDP) е професор на Институтот „Брукингс“.

Себастијан Штраус е виш аналитичар и истражувач како и координатор за стратешки активности на Институтот „Брукингс“.

Џим О’Нил е поранешен претседател на Голдман Сахс и поранешен министер за финансии, сегашен претседавач на Чејтем Хаус (Chatham House).

Лејла Турчило е редовна професорка на Катедрата за комуникација / новинарство на Факултетот за политички науки на Универзитетот во Сараево, каде предава Теорија на медиуми, ТВ новинарство, Интернет-новинарство и Медиуми и политика на додипломски и мастер студии и Нов дизајн на медиуми и ПР на докторски студии. Таа е раководителка на Центарот за доживотно учење на Факултетот за политички науки на Универзитетот во Сараево и на Одделот за комуникација / новинарство.

Бојан Перков е истражувач во Фондацијата SHARE во Белград. Неговите истражувачки интереси и полиња на работа се слобода на изразување и онлајн медиуми, како и сите други прашања поврзани со изразување на Интернет, како што се говор на омраза, нет неутралност, цензура, итн. Преку својата работа во SHARE, тој се стекна со знаење и во областа на заштитата на личните податоци и безбедноста на информациите, пред се во областа на заштитата на новинарите и нивните извори.

Брама Челани е професор по Стратегија на Центарот за истражување на политики во Њу Делхи и соработник на академијата „Robert Bosch“ во Берлин, автор на девет книги, меѓу кои „Азиска супер сила“, „Вода: Новото бојно поле на Азија“, и „Вода, мир и војна: Соочување со глобалната водна криза“

Стивен С. Роуч, професор на Универзитетот Јеил и поранешен претседавач на „Морган Стенли Азија“, е автор на Unbalanced: The Codependency of America and China, („Неврамнотежено: Зависноста помеѓу Америка и Кина“).

Милош Будимир е студент на Факултетот за електро-технички науки во Белград. Тој повеќе години е дел од иницијативата „Ne davimo Beograd". Особен интерес му се теми поврзани со дигитална демократија и грасрутс граѓански иницијативи.

Лука Павиќевиќ е гимназијалец во Меѓународни училишта НОВА како стипендист на Меѓународната фондација Борис Трајковски. Активен во невладиниот сектор. Особен интерес му причинуваат прашањата од областа на образованието.

Шанг-Јин Веи, поранешен директор на Секторот за економија во Азиската банка за развој, е професор по финансии и економија на Бизнис школата на Колумбија и на Факултетот за меѓународни и јавни прашања на Универзитетот Колумбија.

Професорката Мариана Мацукато е основач и директор на Институтот за иновации и јавна намена (IIPP).

Ана Паласио е поранешна министерка за надворешни работи на Шпанија и поранешен виш потпретседател и генерален советник на Светска банка. Таа е вонреден професор на Универзитетот Џорџтаун.

Славомир Шираковски, основач на движењето „Политичка критика“, е директор на Институтот за напредни студии во Варшава и виш соработник во германскиот совет за надворешни односи.

Марк Ленард е директор на Европскиот совет за надворешни односи.

Андреј Петровски има завршено магистерски студии по компјутерски криминал. Тој е Технички директор во Фондацијата SHARE во Белград. Неговиот фокус се сајбер нападите на онлајн медиумите и граѓанските организации во Србија. Тој е автор на повеќе дела од областа на компјутерската безбедност, приватноста на информациите и сајбер-криминалот.

  • Блогирај +

    Приклучете се кон тимот соработници и предложете тема или испратeте текст, со Ваша фотографија и куса биографија на info@iks.edu.mk.Повеќе

  • Насоки +

    Текстовите треба да имаат помеѓу 900 и 1300 зборови и да бидат напишани во куси пасуси, во разбирлив и неформален стил. Повеќе

  • Преземи +

    Содржината на блогот е слободна за споделување и читателите можат да оставаат разумни и конструктивни коментари на блоговите. Повеќе

  • 1

Следете не