Individët, organizatat ose institucionet të cilat në çfarë do mënyre mund të jenë të interesuar për aktivitetet të cilat ju i zbatoni, shkurtimisht, quhen palë të interesuara. Ata mund ta përkrahin aktivitetin apo fushatën tuaj, në ndonjë mënyrë të jenë të interesuar në çështjen, të kenë fuqi për ta ndryshuar situatën apo ta kenë nxitur problemin të cilin e keni identifikuar.

Palët e interesuara mund të jenë:

• Përkrahës– njerëz apo organizata të cilat e kuptojnë problemin, dëshirojnë të kontribuojnë për ta zgjidhur atë dhe janë të përgatitur tu ndihmojnë;
• Oponentë– njerëz të cilët janë kundër zgjidhjes së problemit apo të cilëve nuk u pëlqen mënyra në të cilën propozoni të zgjidhet i njëjti;
• Neutralë–njerëz të cilët nuk kanë qëndrim, apo të cilët në asnjë mënyrë nuk përfshihen në aktivitetet e juaja.

Vijon definimi i marrëdhënieve të palëve tuaja të interesuara. Njohja e marrëdhënieve të tyre reciproke si dhe raporti i tyre individual ndaj çështjes pas së cilës qëndroni dhe ndaj zgjidhjes së cilën e propozoni do tu ndihmojë  që të  kuptoni se prej kujt mund të prisni dhe të fitoni përkrahje.

Palët e interesuara paraprakisht të definuara tani më mund ti ndani në më shumë kategori:

• Përkrahës aktivë – i përkrahin aktivitetet tuaja dhe janë të motivuar tu ndihmojnë ti realizoni qëllimet;
• Përkrahës – mund të kenë ndonjë dobi nga rezultati i aktivitetit tuaj;
• Neutralë – nuk janë të involvuar apo nuk janë të interesuar në çështjen;
• Oponentë – mund të kenë pasoja negative nga suksesi i aktiviteteve tuaja;
• Oponentë aktivë – punojnë në mënyrë aktive kundër realizimit të qëllimeve tuaja.

Kjo do tu ndihmojë që në të ardhmen të parashikoni taktika adekuate për secilin prej grupeve. Për shembull, për ata që ju përkrahin mund të përdorni aktivitete dhe mjete për mobilizim, ndërsa për ata neutralët të përdorni mjete dhe taktika për edukim dhe informim.

“Audiencën e synimit“ të fushatës suaj e paraqesin grupet apo njerëzit të cilët do të mund ta bëjnë ndryshimin që ju dëshironi të ndodhë. Më mirë është që audiencën e synimit ta ndani në primare  dhe  sekondare.

• Primare– aktorët kyç të cilët kanë fuqi apo mjete që të veprojnë në mënyrë të drejtpërdrejtë ndaj zgjidhjes së çështjes;
• Sekondare– grupe apo individë të cilët kanë fuqi të ndikojnë ndaj aktorëve kyç apo mund ta ndryshojnë opinionin publik.

Në fushata për ndryshime shoqërore, audienca primare e synimit në shumicën e rasteve janë vendimmarrësit si:

• Deputetët në Kuvend;
• Qeveria;
• Organizatat ndërkombëtare;
• Komuniteti i biznesit;
• Liderët në komunitetin; e ngjashëm.

Gjithashtu, ekzistojnë edhe individë dhe grupe të cilat mund të ndikojnë ndaj audiencës suaj primare, pasi që ajo kujdeset për qëndrimet dhe veprimet e tyre. Ata janë audienca e juaj sekondare. Ajo përfshin grupe dhe njerëz të cilët e përkrahin apo e formojnë opinionin publik ndaj audiencës primare të synimit siç janë:

• Gazetarët;
• Shoqatat;
• Personat publikë dhe personat e njohur;
• Grupet e votuesve.

Qëllimet e fushat;s apo aktivitetit tuaj e tregojnë„objektivin të cilin e keni në shënjestër“, respektivisht ndryshimin të cilin dëshironi ta arrini. Nëse e keni definuar mirë problemin dhe e dini se cilin ndryshim dëshironi ta bëni, lehtë mund ti definoni qëllimet:

• Afatgjata– vizionin për ndryshim në afat të gjatë; dhe
• Afatshkurta– qëllime specifike dhe të matshme të cilat mund të realizohen për një periudhë të caktuar kohore.

Një qëllim mirë i definuar është komponenti më i rëndësishëm i një strategjie të mirë. Në qoftë se qëllimi është tepër i gjerë, të gjitha vendimet të cilat do të duhet ti sillni më tutje do të jenë të paqarta, dhe praktikisht do të garantojnë fushatë joefikase.

Qëllimet afatshkurta do ti përfaqësojnë rezultatet e aktivitetit tuaj dhe do të jenë tregues për suksesin e aksionit. Prandaj, gjithmonë vendosni qëllime SMART.

S– Specific – specifike

M– Measurable – të matshme

A– Achievable –të realizueshme,

R– Realistic – reale

T– Time-bound – në periudhë të përcaktuar kohore

Qëllimi specifik apo i saktë në shumicën e rasteve përcaktohet përmes parashtrimit të gjashtë pyetjeve:

1. Kush?
2. Çfarë?
3. Ku?
4. Kur?
5. Si?
6. Pse?

Matshmëria është një prej mekanizmave për të përcaktuar se a është qëllimi i parashtruar i mirë apo jo. Për të qenë një qëllim i matshëm ai duhet të përmbajë të dhënë kuantitative. Për shembull: rekrutimi i së paku 500 përkrahësve.

Qëllim i realizueshëm paraqet rezultati i qasjes së mirë dhe analitike i cili mundëson parashikimin e mënyrave dhe metodave për realizimin e tij. Megjithatë gjatë analizës së këtij kriteri keni kujdes edhe ndaj kapaciteteve, resurseve , kohës dhe dinamikës me të cilën realizohen ngjarjet, e të cilat bëjnë shtypje kohore!

Qëllim real duhet të paraqesë gjendjen në të cilën dëshironi dhe mundeni të arrini. Ndonjëherë edhe qëllimet e larta janë të arritshme, mirëpo kërkojnë përkushtim, punë dhe sakrificë të madhe. Gjatë përcaktimit të qëllimit merrni parasysh edhe atmosferën e përgjithshme si dhe sfidat me të cilat mund të ballafaqoheni.

Vendosja e afateve kohore është kyç për ta mbajtur ndjenjën e urgjencës dhe azhurnitetit. Megjithatë, në disa raste, shpesh herë për shkak të ndikimeve të jashtme, afatet kohore mund të shkurtohen apo zgjaten. Këto ndikime janë ato të cilat ju si pjesë e këtij procesi nuk mund ti kontrolloni, për shembull: rikonstruimi i qeverisë, ndërrimi i një drejtori të një agjencioni, ndërrimi i një udhëheqësi të sektorit,  zgjedhje të parakohshme dhe ngjashëm.

Mesazhi juaj është ajo që njerëzit do ta mbajnë mend („marrin“) nga fushata juaj apo ajo që do ti shtyjë ata të përfshihen në aktivitetet. Prandaj, për çdo audiencë të synimit dizajnoni mesazh të veçantë, por kini kujdes, të gjitha duhet të shpijnë   ndaj realizimit të qëllimit të njëjtë. Hulumtimi në fillim do tu tregojë se çfarë dhe si të komunikoni.

Që mesazhi të jetë efektiv, duhet:

• Të jetë i thjeshtë dhe ta shprehë kauzën qartë, pa domethënie të dykuptimtë;
• Тë shprehë rëndësinë kritike të kauzës;
• Tu tregojë njerëzve diçka të re, diçka për të cilën ende nuk kanë menduar;
• Të jetë joshës, interesant, dhe bile edhe shokuese;
• Ta theksojë nevojën për ndërmarrje të aksionit dhe gjetjen e zgjidhjes.

Mesazhi efektiv komunikon shumë informacione në disa fjali. Me të duhet të shpjegoni :

• Çfarë dëshironi të arrini?
• Pse dëshironi ta arrini atë?
• Si propozoni ta arrini atë?
• Çfarë aksioni kërkoni të ndërmarrë publiku?

Mesazhi të cilin do ta krijoni duhet të mundet të komunikohet përmes kanaleve të ndryshme në një periudhë  më të gjatë kohore. Duhet ta përmbajë zgjidhjen e problemit të cilin e keni identifikuar, në mënyrë në të cilën audienca adekuate e synimit dëshiron ta dëgjojë atë dhe të thirr për aksion.

1. Mesazhi i mirë para së gjithash është i saktë dhe i sinqertë!
2. Mesazhi i mirë është konciz, i shkurtër dhe i qartë!
3. Mesazhi i mirë sfidon emocion!
4. Mesazhi i mirë përmban thirrje në aksion!

Krijimi i rrjetit është hapërimi i çdo organizatë e cila dëshiron të nxisë ndryshime. Në rrugën drejtë arritjes së qëllimit ju do të keni nevojë për të gjithë aktivistët, aleatët, vullnetarët, të cilët mund tu ndihmojnë në atë. Ata do tu ndihmojnë përmes përhapjes së informacioneve dhe do tu bashkohen në protestat apo tubimet, në qoftë se ato i organizoni.

Gjatë kësaj, duhet të keni parasysh se ndërtimi i rrjetit dhe menaxhimi dhe mbajtja e tij, nuk është tërësisht e lehtë.  Mënyrat e vjetra për zgjerimin e rrjetit tuaj të kontakteve në masë të madhe janë ende të vlefshme, por tani keni edhe mjete digjitale të cilat në masë të madhe mund t’ua lehtësojnë procesin.

Për  fillim mund të bëni një tabelë të thjeshtë, me emër, mbiemër, të dhëna për kontakt dhe fusha tjera shtesë në të cilat do të shtoni kategori të ndryshme, si për shembull:

• Interes për punë vullnetare;
• Histori e përfshirjes në aktivitete;
• Aftësi;
• Parapagim në gazetë elektronike; etj.

Jepni për detyrë ndonjërit prej anëtarëve të ekipit që vazhdimisht ta plotësojë dhe ripërtërijë bazën e kontakteve.

Tabela e thjeshtë është e mirë për në fillim, por kur do të fillojë të rritet lista e kontakteve do të duhet të kërkoni ndonjë softuer adekuat, sipër shembull CiviCRM.

Lidhja në koalicione me organizata tjera me të cilat keni interes të përbashkët për të punuar ndaj zgjidhjes së një problemi të caktuar mund:

• Të ndihmojë që çështja të bëhet më e besueshme. Kredibiliteti i secilit prej grupeve mund të përforcohet përmes lidhjes së saj me anëtarët tjerë të koalicionit dhe në atë mënyrë ndoshta do të mundeni më lehtë të arrini tek krijuesit e politikave.
• Ta rrisë presionin publik ndaj vendimmarrësve. Grupi më i madh i organizatave dhe kompanive ndoshta kanë mundësi më të madhe të marrin qëndrim më të fuqishëm në lidhje me një çështje të caktuar së bashku, se sa që ka mundësi secili veçmas.
• Të sigurojë rrjet të përkrahësve dhe tu ndihmojë të rekrutoni vullnetarë. Anëtarët e ndryshëm të grupeve mund të shpërndajnë projekte të ndërlikuara (në sajë të eksperiencave, ekspertizës dhe resurseve). Harxhimet mund të ndahen midis anëtarëve të koalicionit, duke u lejuar organizatave më të vogla të marrin pjesë në aktivitete të cilat përndryshe do të kishin qenë jashtë kapacitetit të tyre.

Identifikoni partnerët potencialë  me të cilët do të kishit dashur të hyni në koalicion dhe mënyrën në të cilën ata do të kishin mundur të ndihmojnë. Drejtojuni atyre dhe bindni që ti bashkëngjiten koalicionit tuaj, përmes procesit vijues:

1. Krijoni listë gjithëpërfshirëse të anëtarëve të mundshëm me informacione për kontakt.
2. Caktoni takim me liderët e secilës prej organizatave.
3. Filloni prej grupeve me të cilat keni iniciuar kontakt apo keni pasur ndonjë aktivitet të përbashkët.
4. Vendosni në dispozicion të gjitha informatat të cilat do ti kërkojnë apo të cilat u nevojiten. Përgjigjuni në kërkesat e tyre dhe mbani të informuar.
5. Përpiquni ti bindni ta përkrahin aktivitetin tuaj.
6. Përfshini në ekipin.

Gjatë ndërtimit të koalicioneve është e rëndësishme të vendosen rregulla të qarta për strukturën, mënyrën e sjelljes së vendimeve, mënyrën e komunikimit, ndarjen e harxhimeve, kohën e realizimit të aktiviteteve, resurset që janë në dispozicion etj.

Zbatimi  i fushatës apo aktivitetit patjetër duhet të zhvillohet sipas dinamikës paraprakisht të planifikuar. Para se të filloni me realizimin e aktiviteteve bëni edhe një kontroll:

• A e dini problemin e vërtetë dhe a keni zgjidhje adekuate për të?
• Qëllimet të cilat dëshironi ti arrini, a janë të thjeshta, të matshme, reale, a thërrasin në aksion dhe a kanë afat të përcaktuar kohor për realizimin e tyre?
• A i keni caktuar të gjitha palët e interesuara, audiencat e synimit të cilave do tu drejtoheni dhe kanalet përmes së cilave do ta përçoni mesazhin?
• A keni mesazh të qartë, të shkurtër dhe të saktë, i cili thërret në aksion?
• A keni identifikuar aleatë- grupe dhe individë, të cilët do tu ndihmojnë në realizimin e aktiviteteve?

Në qoftë se përgjigja në të gjitha pyetjet është pozitive, mund të filloni me realizimin.

Asnjë proces nuk mund ti arrijë efektet e dëshiruara nëse nuk ekziston plan për ndërmarrjen e aktiviteteve. Që të mund ti arrini qëllimet e planifikuara, nevojitet që me  kujdes ta ndiqni realizimin e të gjitha hapave dhe aktiviteteve në pajtueshmëri me afatet e parashikuara.

Në internet ka shumë mjete për ndjekje dhe analizë, me ndihmën e të cilave mund të ndiqni se si zhvillohet fushata juaj dhe se si sillen palët e interesuara dhe ta matni shkallën e realizimit të qëllimeve. Duke përdorur mjete të ndryshme (falas) mund ta mbikëqyrni përhapjen e mesazhit, ta ndiqni debatin rreth problemit me të cilin ka të bëjë fushata dhe të shihni se si sillen aleatët dhe kundërshtarët tuaj.

Ndjekja e mesazhit onlajn përfshin monitorim të asaj se si, ku dhe kur ajo është e përçuar në internet. Në këtë  proces mund të përcaktoni se kush dhe në çfarë konteksti ju përmend juve, problemin apo mesazhin tuaj.

Disa prej medieve sociale (si Facebook, YouTube, Instagram,Twitter…) ofrojnë mundësi që në mënyrë automatike të pranoni mesazh elektronik kur dikush do të veprojë ndaj përmbajtjes së cilën e keni plasuar.

Disa mjete tjera të cilat do tu ndihmojnë ta ndiqni mesazhin janë:

Me siguri nuk do të jeni vetëm ju ata të cilët shpërndajnë përmbajtje që ka të bëjë me problemin apo çështjen pas së cilës qëndroni në platformat  onlajn. Sjelljen e të tjerëve ndaj temës mund ta ndiqni përmes kërkimit të fjalëve kyç të cilat i përdorni ju apo të tjerët gjatë komunikimit, disa prej mjeteve digjitale e lejojnë atë. Për të gjetur më lehtë përmbajtjen përdorni hashtag (#) para fjalëve të tilla.

Mjete të cilat  do tu ndihmojnë gjatë ndjekjes së temës janë:

Njëra nga mënyrat për ndjekjen e sjelljes së të tjerëve në internet është përmes instalimit  të  Google Alerts ose shfrytëzimit të serviseve siç është Media Toolkit. Në qoftë se për temën të cilën e ndiqni diskutohet në gjuhë të ndryshme, vendosni fjalë kyç në të gjitha ato gjuhë. Mjete tjera të cilat mund ti shfrytëzoni për këtë janë:

Që të mundeni në fund ta vlerësoni suksesin e fushatës apo aktivitetit, që nga vetë fillimi e deri në fund të realizimit, ndiqni dhe dokumentoni të gjitha këto informacione. Kjo do tu ndihmojë që të matni se a i keni arritur qëllimet e planifikuara dhe kush ju ka ndihmuar në këtë.