Артан Лимани е доктор на науки од областа на високото образование. Докторирал на Универзитетот на Југоисточна Европа (ЈИЕУ) под покровителство на светски познатиот професор од универзитетот Индиjана во Индиjанаполис, САД, д-р. Џон Периш-Спрол. Магистрирал на комуникациски науки на Универзитетот „Пурдју“ во Форт Вејн, САД, каде работел и како асистент. Во академската 2003/2004 година престојувал на Универзитетот Индиjана во Индијанаполис за академска надградба и специализација за научни истражувања. Од 2004 до 2014 година работел како предавач на Универзитетот на Југоисточна Европа (УЈИЕ) каде покрај предавањата бил вклучен и во развојот на наставните програми и придонел за интеграција на академските вештини во наставата по англиски јазик за специфични цели при тоа обезбедувајќи мулти-димензионален пристап кон учењето. Во 2009 година тој повторно престојува во САД каде се сертифицирал за стратегии за предавање и учење на универзитетот „Боулинг Грин Стејт“. Од септември 2014 година, тој се префрли во Технолошкиот институт Рочестер во Приштина (РИТ Косово), за да управува со академскиот дел на една од највлијателните образовни програми на Косово по војната, финансирана од УСАИД Косово. Тој е составувач на Програмата за обука на американскиот универзитет, програмата за пред-универзитетски подготвyвања и Летниот камп во РИТ Косово. Предавал низа предмети од комуникациски науки, академско пишување и научни истражувања. Тој е страствен истражувач за развој на образованието за кои се претставил на повеќе меѓународни конференции.

Кејси Л. Барнхарт е вонреден професор и директор на постдипломските студии, образовна политика и студии за лидерство, и виш соработник во Центарот за јавна политика на Универзитетот во Ајова.

Џеф Чинг-Фан Лаи е студент на докторски студии на втора година при програмата за високо образование и студентски прашања на Универзитетот во Ајова. Неговите истражувачки интереси вклучуваат граѓански одговорности на колеџи, демократско разбирање на студентите и ангажман на заедницата.

Соломон Фентон-Милер е студент на докторски студии на прва година при програмата за високо образование и студентски прашања на Универзитетот во Ајова. Неговите истражувачки интереси вклучуваат онлајн учење и виртуелна мобилност.