Андреј Павловски

Во ова лудо (не)време на пандемија и изолација, имаме шанса да сториме нешто за оние кои цел живот се во секаква изолација.

Вилдан Дрпљанин

За многу луѓе останувањето без работа значи губење на единствениот приход за задоволување на своите и основните потреби на нивните семејства, а притоа потенцијално се оставени и без здравствено осигурување, во еден од најкритичните моменти за здравјето на луѓето во нашата држава.

Зоран Кардула

Мерките за спречување на пандемијата ја променија и дневната рутина на децата со нетипичен развој. За мојата ќерка тоа значеше неодење на училиште, и отсуство на нејзиниот дефектолог кој ја следи како асистент и со која работат после училиште. Редовните прошетки на вообичаените места станаа невозможни како и дружбата со нашите роднини и пријатели.

Вилдан Дрпљанин

Здравствената криза предизвикана од коронавирусот е најдобар показател за вредноста и значењето на работниците во едно општество. Кога тие не можат да ја извршуваат својата работа, се уништуваат или се доведуваат на работ на пропаст цели индустрии. Време е тоа да им стане јасно на сите, а пред сè на работниците и заедно да застанеме во одбрана на работничките права.

Катја Ајверсен (Katja Iversen)

Оваа година, Генералното собрание на Обединетите нации ќе одржи состанок на високо ниво, со цел да се потврди заложбата на земјите членки за испорака на универзално здравствено покритие (УЗП), вклучително и заштита од финансиски ризици и пристап до основните здравствени услуги, лекови и вакцини за сите. Прашањето што сè уште не е одговорено е колку земјите се обврзуваат на обезбедување услуги со кои се задоволуваат потребите кои  се единствени за девојчињата и жените, како дел од нивната имплементација на УЗП.

Шамина Синг (Shamina Singh)

Глобално земено, Глобалниот институт Мекинзи проценува дека до 2030 година, до 375 милиони работници (14 проценти од работната сила) ќе треба да се префрлат во други категории на професии за да ги задоволат потребите на пазарот на трудот кој се менува.

Вилдан Дрпљанин

Работниците, како последни во оваа хиерархиска пирамида на моќ, се најслабата алка во надзорниот процес. Нивната слаба информираност, немоќна позиција, страв и послушност пред работодавачот не овозможуваат тие да пријавуваат недоследности во однос на безбедноста и здравјето при работа.

Јулијан Вухерпених (Julian Wucherpfennig) и Анита Годес (Anita Gohdes)

Силувањето е тактичка војна дизајнирана директно да им се наштети на цивилите. Некои примери за тоа се силувањата под наредба и организираните силувања за време на босанската војна во 90-тите години од минатиот век и употребата на сексуалното насилство како средство за тортура на сирискиот режим.

Лина Ќостарова Унковска

Оставени во незнаење, децата и младите денес, во Македонија, го живеат својот живот како знаат и умеат, собирајќи полувистини од електронски и други медиуми, од попкултурата, од моралистичките пораки на неуки подучувачи, полни со стереотипи и предрасуди. Сите овие извори се генератори на насилството, зашто не даваат одговори за разнообразноста на човековата сексуалност и искуства, ниту водат сметка за разликите во родовото себеизразување.

Бенџамин Перкс, претставник на УНИЦЕФ

Проценуваме дека има околу 21.000 деца со попреченост во земјата. Исто така, цениме дека речиси половина од нив можеби не одат на училиште и имаат малку можности за игра и пријателство.

д-р Ирена Цветковиќ 

Сега е најдоброто време Република Македонија да започне со процесот на усвојување модел кој експертите и транс заедницата го дефинираат како сеопфатна законска рамка за правно признавање на родот, која ќе ги почитува фундаменталните права и правото на личен и телесен интегритет на транс луѓето.

доц. д-р Елена Игновска

Доколку го следиме правното резонирање на судските одлуки на Европскиот суд за човекови права, ќе заклучиме дека и Македонија има обврска да обезбеди еднакви услови за остварување и заштита на правото на приватен и семеен живот за сите - ако форматот брак е неприфатлив во актуелниот момент, мора да постои друг формат: вонбрачна заедница, граѓанско/регистрирано партнерство итн.

Кристалина Георгиева (Kristalina Georgieva) и Мари-Клод Бибо (Marie-Claude Bibeau)

Несомнено е, сигурноста жените и девојчињата да уживаат во истите права и можности како мажите и момчињата е исправна од морална и од етичка гледна точка. Освен тоа, има и економска логика – 160 билиони американски долари, да бидеме прецизни.

Ангел Мојсовски

МВР ги има информациите колку Роми, т.н. лажни азиланти, се вратени, своеволно или присилно, но тие информации понатаму не се споделени со центрите за социјална работа, кои би требало да продолжат со преземање дополнителни мерки за давање помош.

Костас Георгиадес (Costas Georgiades) и Лука Букен (Luca Bücken)

Ова повеќе не е „бегалска криза“ ниту „криза за управување со бегалци“. Сега веќе е хуманитарна криза по сите дефиниции.

Хелен Кларк (Helen Clark) и Саниа Ништар (Sania Nishtar)

Родовото прашање е клучен двигател за резултатите на здравството. Родот е фактор кој влијае во тоа дали некое лице пуши тутун, редовно прави физички вежби или дали има пристап до храна со висока хранлива вредност. Земајќи предвид дека повеќе од 75 отсто од здравствените работници ширум светот се од женски пол, се укажува на веројатноста на тоа кој ќе се грижи за вас ако се разболите.

Кити Роелен (Keetie Roelen)

Да си сиромашен е многу срамно искуство со кое се деградира човечкото достоинство и чувство на ценење на себеси. Начините на манифестирање и причините за сиромаштијата може да се разликуваат, но понижувањето што доаѓа со неа е универзално.

Кети Блумгарден (Kathy Bloomgarden)

Големиот број тужби за сексуално малтретирање поднесени од познати личности кои започнаа со исповеди и признанија од Холивуд, остави сериозни последици и на работни места кои воопшто не се толку гламурозни. Исто како што големите филмски студија беа принудени да преземат дејствија против злоупотребувањето, слична револуција – поттикната од движењетo #MeToo преку кое жените соопштуваат јавно за своите искуства – е присутна на работни места низ целиот свет.

Марк Лоукок (Mark Lowcock) и Вилијам Лејси Свинг (William Lacy Swing)

Време е да се искорени праксата на неказнивост која преовладуваше премногу долго во меѓународната заедница. Не треба да биде приоритет да се заштитат оние кои се на моќни позиции, туку да се обезбеди правда и поддршка кои им следуваат на оние кои преживеале такви искуства.

доц. д-р Димитар Апасиев

Измените во законот за минимална плата е трул компромис меѓу социјал-демократите и бизнис-лобито во Владата. Во измените, за првпат, се дефинира нормираниот учинок како еден од нужните услови за земање на минималната плата, а кој законодавецот сака да го остави на понатамошна дорегулација во рацете на работодавачите. Во праксата, тоа може да доведе до сосем нееднаков третман на работниците. Затоа, против измените се покренати две иницијативи пред Уставниот суд – едната на политичката партија Левица, а втората на Сојузот на синдикатите на Македонија.