fbpx

Клер Дели: ЕУ нема интерес за благосостојба на македонските граѓани

Kler Deli EU nema interes za blagosostojba na makedonskite gragani 1

Клер Дели е актуелна ирска пратеничка во Европскиот парламент која не се воздржува да го нарече американскиот претседател Барак Обама воен злосторник кој зборува за мир, а испраќа беспилотни летала да убиваат цивили. Таа ја обвини ирската влада за проституирање со САД, а Европската Унија ја посочи како лицемерна кога ја осудува Русија за апсењето на Навални, а притоа името на Јулиан Асанж не смее ни да го спомене. На нас, Македонците, нѝ порачува дека ЕУ нема интерес за благосостојба на македонските граѓани и сè што бара да направиме е да ја подготвиме нашата економија за експлоатација од западниот капитализам.

Повеќе
  5002 Кликови
  0 Коментари

Наместо борба за компромис дали некој бил Македонец или Бугарин, подобро решение е да има два наративи

Namesto borba za kompromis dali nekoj bil Makedonec ili Bugarin podobro resenie e da ima dva narativi 1Извор: wdkl.pl

Кога го започнавме разговорот со историчарот од Полска, професорот Игор Каколевски, за патот до реализирање на проектот за заеднички полско-германски учебник по историја, насловен „Европа наша историја“, објасни дека проектот бил успешен бидејќи „двете страни покажаа желба да го вклучат историското искуство на соседната земја во прикажувањето на историјата во нивните училишта и да ја прошират академската дебата за историските теми“.

Дали е можно да се изработи еден учебник по историја на два јазици за учениците во две различни земји? Учебник што ќе има идентична содржина во двете верзии, идентични историски извори, фотографии и слики, кој ќе ги задоволи критериумите на наставните програми во две земји и ќе ги подготви учениците? Ова е дел од прашањата што ги поставувале експертите пред почетокот на проектот на којшто и по 13 години (официјално од 2008 година) сѐ уште работи тим на експерти од двете земји, заедно со Постојаниот германско-полски комитет, чиј член е и професорот Каколевски. А работата на овој заеднички тим произлезе од работата на Заедничката германско-полска комисија за учебниците по историја, формирана во далечната 1972 година, која сѐ уште работи.

Кој е целта и основната задача на Заедничката германско-полска комисија за учебниците по историја?

- Заедничките комисии на историчари за учебници во светот треба да се фокусираат на контроверзните прашања во историјата, билатералната историја на две земји, треба да ги анализираат учебниците по историјата што се користат во училиштата што се користат во двете земји и најважно, треба да елаборираат таканаречени препораки за авторите на националните учебници за тоа како да ги презентираат контроверзните прашања.

Полско-германската комисија, којашто беше формирана во 1972 година, организираше заеднички средби на германски и полски експерти во зависност од периодот од историјата за којшто се дискутираше, па имаше конференции за средниот век, за модерната историја, за 19 и 20 век. Во текот на својата досегашна 50-годишна работа Комисијата издаде неколку препораки за полските и германските автори на учебници по историја.

Во нашиот случај се работеше на издавање заеднички учебник по историја чија цел е да воведе нови и современи начини за учениците во Полска и во Германија да ја разберат историјата, да ја поттикнат нивната способност за „историско размислување“ за проблемите и активно да се осврнат на улогата на историјата во формирањето и обликувањето на идентитетот.

За што се дискутира во Заедничката германско-полска комисија, приоритетни се историските настани или историските личности?

- Морам да кажам прво дека почетокот на работата беше тежок. Пред да започне со работа Комисијата во една анкета во Германија учениците ја опишуваа Полска како непривлечна, а нејзините жители како заостанати, примитивни, брутални, ладни и непријателски расположени. Тоа беше голем предизвик за политичарите, авторите на учебници и за наставниците.

На самиот почеток на работата на Комисијата, по 1972 година, првиот чекор беше да се направи и елаборира каталог на контроверзни прашања и тогаш имаше околу 20 контроверзни прашања за кои дискутираа двете страни. Меѓу другите, имаше такви прашања околу холокаустот и присилните миграции на населението за време на Втората светска војна, и поради нацистичкиот режим, но и за присилната миграција или протерување на германско население од територија на поранешната Источна Германија анектирана од Полска по 1945 година. Имаше каталог на контроверзни прашања што се однесуваат не само на историјата од 20 век, туку и на различни историски периоди, вклучувајќи го и средниот век.

По дискусиите за овие прашања лесно беше да се најде компромис за многу од прашањата, дури и за оние од периодот на Втората светска војна, вклучувајќи ги и злосторствата на нацистите, освен за две прашања што беа најконтроверзни за двете страни. Првото беше за средновековната историја и за процената на Тевтонскиот ред во Прусија, а второто контроверзно прашање беше како да се презентира во учебниците во Германија и во Полска протерувањето на Германците од Полска по 1945 година, од териториите кои пред 1939 година беа дел од германскиот Рајх.

Вие говорите за настани, но што е со историските личности, се расправаше ли за нив?

- Не, повеќе се зборуваше за генерални проблеми како проблематични и контроверзни. Не можам да се сетам дека порано се разговарало за конкретни личности. Но имавме поинакво искуство во почетокот на 21 век кога полско-германската комисија иницираше проект заеднички учебник по историја Европа-нашата историја, во рамките на кој лани веќе е објавена и четвртата книга.

Идејата беше на тогашниот германски министер за надворешни работи Франк-Валтер Штајнмаер во 2006 година, а проектот започна две години подоцна, во 2008 година. Тоа значи 12 години напорна работа за да се издадат четирите книги и тука има делови за контроверзии околу некои личности во историјата. Во него има еден дел „гледишта“, кој треба да презентира различни процени и ставови за исти контроверзни личности во историјата. Една од нив, можеби ќе ве изненади, беше францускиот цар Наполеон Бонапарта, на кого различно се гледа во Германија и во Полска. Од полска страна тој се смета за некој што го иницирал процесот за повторно воспоставување независност од страна на Полска на територии заземени од соседите Русија, Прусија и Австрија, значи некој што ѝ помогнал на Полска, а од германска страна тој се сметал за еден вид тиранин, некој што придонел за растурање на германската држава во 1806, кога повеќето делови од Германија паднале под француска власт. Ова е еден пример.

Го решивте ова прашање?

- Не, не го решивме. И затоа одлучивме во учебникот по историја да вклучиме посебен дел „гледишта“, во кој историчари од двете земји, но и од други земји, можат да презентираат различни и контрадикторни погледи за иста личност, за ист настан, за ист историски процес. На учениците, пак, им се даваат група задачи и прашања што треба да им помогнат со критичка интерпретација и дискусија за овие контроверзни прашања.

Дали овој учебник сега е задолжителен во двете земји?

-Ова е уникатен проект со транснационални учебници. Учебникот во двете земји е на различни јазици, но наративот е ист. По објавувањето на француско-германскиот учебник, објавен е и нашиот полско-германски и тоа е уникатна ситуација во ЕУ. И двата проекти беа поддржани од владите на двете соодветни земји. Но нема задолжителен учебник во Германија, а во Полска „на пазарот“ се натпреваруваат околу 17 учебници по историја. Нашиот учебник треба да ја помине комплетно процедурата на одобрување во Министерството за образование, а во Германија досега е прифатен од Министерствата за образование во 15 од 16 региони (освен во Баварија). Кога велам прифатен, значи одобрен за употреба во училиштата. Наставниците можат да изберат меѓу националните учебници по историја и можат официјално да го користат овој учебник.

Namesto borba za kompromis dali nekoj bil Makedonec ili Bugarin podobro resenie e da ima dva narativi 3

Со какви предизвици се соочувавте во изработката на учебникот?

- Тоа е интересен проект на помирување. Потребна е добра волја во тој процес на посредување и помирување. Учебниците се пишувани во тандем, едниот автор иницира, вториот коментира, но двајцата се негови автори. Кога ќе видите дека почнува од предисторијата, па Стар Египет, Стара Грција, Римското Царство, нормално е во работата на содржината да се дојде до многу контроверзни прашања. На пример, таква беше битката кај Термопили во која 300 Спартанци се бореа за одбрана од Персијците.

Првиот нацрт беше напишан од германски автор, а полскиот автор реагираше дека нема ништо за Термопили. Можеби е чудно да се „заглави“ на тоа прашање, но во полската култура има термин „полски Термопил“ за битка во 19 век во која Полјаците беа херои и не можевме да си дозволиме во полски учебник да ја нема битката кај Термопили. Почнавме истражувања и откривме дека има и „германски Термопили“ во историјата, а една се однесува на битката кај Сталинград во Втората светска војна, и за нив не беше важна оригиналната битка кај Термопили.

И што се случи со ова прашање?

- Ја вклучивме таа битка. Главната работа беше двете верзии, и полската и германската, да бидат идентични. Моравме да преговараме за наративот, се „боревме“ и имаше, би рекол, драматична ситуација.

Да се вратиме на Комисијата, велите работи од 1972 година и сѐ уште работи. На што?

- Точно, работи од 1972 и сѐ уште работи. Првиот дел од работата беше анализа на националните учебници по историја во двете земји, организирање конференции за контроверзните прашања и произведе препораки за двете земји.

Вториот чекор беше овој заеднички учебник што може да се користи во двете земји

Но на прашањето за тоа колку долго ќе работи, ќе речам колку подолго, толку подобро. Бидејќи знаете „политиката на меморија“ е вклучена кај двете страни и ќе биде вклучена и ќе се менува. Ама мора секогаш да бидеме концизни дека историјата не е само еднаш за секогаш дадена визија, туку се менува сликата како замислуваме дека нешто се случило во минатото.

Имаше ли политика во работата на Комисијата?

- Работата е што луѓето во Комисијата, полските и германските историчари се прилично спријателени. Некогаш полските историчари се покритични за сопствената историја, некогаш, пак, германските историчари се покритични за нивната историја, и тоа беше нешто навистина убаво да се види.

Немаше проблем во рамките на Комисијата, мислам на политички проблем. Ако може да се зборува за политички проблем, додека се одеше низ процедурата во Министерството за образование имаше експерти што критикуваа некои содржини во учебникот и бараа да има промени.

Кога зборуваме за нашата комисија за историски прашања, Македонско-бугарската, според информациите во јавноста, многу време се зборува за личности, дали Кирил и Методиј биле Македонци или Бугари, исто и Гоце Делчев, Цар Самоил... Како да се „одглави“ работата ако има премногу политика во Комисијата?

- Мислам дека генерално добро решение во таква ситуација е да не се бориш за компромис дали некој бил Македонец или Бугарин, туку да се креираат два наративи.

Кусо би кажал дека таква секција со ставови може да биде интересна во однос на тоа како се гледа на Кирил и Методиј на пример, дали биле Бугари, Македонци или Грци. Тоа може да биде инспиративно за учење историја во училиштата. Корисна би била и секцијата „Минатото во сегашноста“, којашто покажува како настаните од минатото сѐ уште влијаат на сегашниот живот.

Namesto borba za kompromis dali nekoj bil Makedonec ili Bugarin podobro resenie e da ima dva narativi 2Извор: krakow.wyborcza.pl

Се чини дека сме далеку од такво решение, уште повеќе што се наметнува мислење дека Македонците се вештачка нација на Тито и Коминтерната, дека македонскиот јазик е дијалект на бугарскиот...

- Решението e во постојано зборување едни со други, а не напуштање на масата до следната средба.

Нашиот полско-германски учебник е базиран на заеднички наратив. Но има уште еден одличен пример, тоа е израелско-палестински учебник во кој одлично е содржано разбирање на наративот на другиот. Објавен е првпат во 2003 година, на еврејски и на арапски јазик и во него за исто прашање или субјект има два различни наративи еден до друг. Тоа е почеток во процес на меѓусебно разбирање и би можело да биде и добар почеток за заедничка идна работа. Различни погледи за разбирање на наративот на другиот. Овој учебник беше преведен на француски, англиски, италијански... Во оригиналната верзија има две страни, а на средината меѓу двата наратива има празен простор со порака „споредете ги двете верзии и воспоставете свое сопствено мислење“. Тоа е прекрасна порака.

Како би го решиле проблемот со тврдењето на бугарската страна дека Бугарите во Втората светска војна не биле окупатори, туку администратори во Македонија?

- Ние би имале слични проблеми кога би пишувале заеднички полско-руски учебник по историја. Знаете за договорот Молотов-Рибентроп за меѓусебно ненапаѓање меѓу нацистичка Германија и Советскиот Сојуз, кој им овозможи на двете земји да ја поделат Полска. Советите, односно руската историографија вели дека тогаш било неопходно да се заштити Полска. Советска инвазија за „заштита“ на малцинствата, на Украинци, Белоруси... Значи, според нив заштита, а не окупација. Знаеме, а сега е и потврдено дека помирувањето со Германија беше можно, но такво помирување сѐ уште не е можно со Русија, па дури ни со Украина.

Имам пријатели историчари во Украина, официјално може да се обидеме да најдеме компромис, но да ги убедиме политичарите, е тоа ќе биде тешко. Моето решение или сугестија е да се изработи учебник по примерот на израелско-палестинскиот со различните наративи. Како почетна точка на целиот процес.

И историчарите да уживаат да не се согласуваат, но на пријателски начин, со почит кон другиот, без навреди.

 

Новинарка: Жана Поповска-Божиновска

Интервјуто го изработи информативниот портал www.mkd.mk во соработка со онлајн платформата www.respublica.edu.mk на Институтот за комуникациски студиикако дел од проектот Поврзи ги точките: подобрени политики преку граѓанско учество што го финансира Британската амбасада во Скопје.

Повеќе
  4449 Кликови
  0 Коментари

Поповски: На парцелата пред Холидеј ин да се изгради Републички центар

Popovski Na parcelata pred Holidej in da se izgradi Republicki centar 1

Поранешниот министер за екологија, архитектот и политиколог Тони Поповски, кој повеќе години живее и работи во Брисел, будно ги следи настаните во Македонија и вели дека хаосот во урбаниот развој е директна последица на несоодветно почнат и воден процес на почетни, широки, инклузивни и транспарентни консултации. Тој како решение за парцелата пред Холидеј ин ја враќа старата идеја за изградба на ново собрание, кое ќе биде од корист и во контекст на односите со соседите, а особено со Бугарија.

Повеќе
  5702 Кликови
  0 Коментари

Д-р Крсте Роџевски: Забораваме дека медицинските работници ќе имаат трауми од пандемијата

D r Krste Rodzevski Zaboravame deka medinskite rabotnici ke imaat traumi od pandemijata intervju

„Луѓе кои прележале КОВИД 19 ни се чувствуваат поуспорени, имаат малку променета перцепција за дистанца, имаат бранови на многу непријатен мирис, на гума, на ѓубре, на леш. Се истражува и се вели дека вирусот го напаѓа офлакторниот нерв, го напаѓа автономниот нервен систем и преку мозочното стебло оди во белата маса, каде сите овие кортикални функции можат да бидат успорени“. Вака Крсте Роџевски – невропсихијатар со приватна пракса, кој работи како психофармаколог и психоаналитички терапевт во Њујорк, ја објаснува т.н. „когнитивната КОВИД магла“. Со него разговараме за бремето од траумите на медицинските работници. Нашата јавност д-р Роџевски го познава како гласот и музиката од филмовите на Милчо Манчевски „Сенки“ и „Бикини Мун“ и „До Балчак“ на Столе Попов, од кои извира многу топлина и љубов.

Повеќе
  22574 Кликови
  0 Коментари

Наум Пановски: Во Македонија владее волјата на нејзините непријатели, волјата на фамилиите што наизменично доаѓаат на власт

Naum Panovski Vo Makedonija vladee voljata na nejzinite neprijateli voljata na familiite sto naizmenicno doagaat na vlast

Македонија мора радикално да се соочи со себе и да се пресмета со своите заблуди, од својот паразитизам, да се ослободи од сиот тој самодеструктивен баласт, да се ослободи од ова зло што ја разјадува државата однатре, и најважно, да се ослободи од примитивизмот и диктатурата и на македонскиот и на албанскиот етноцентризам и клерикализам. Македонија мора да се извлече од наметнатиот коњски ам, кој ја зароби и ја претвори во бинационална државна заедница, со октроирано име и октроиран устав, и да се врати, односно да ги обнови од корен вистинските хуманистички, етички и граѓански вредности, вели во интервјуто за МКД.мк и за #ResPublicaMK, д-р Наум Пановски, професор по хуманистички науки и уметности, режисер што откако ја напушти Македонија, веќе 30 години живее во САД.

Повеќе
  3231 Кликови
  0 Коментари

Ивановска од ДКСК: Ќе истражуваме кој ги цртал и одобрил плановите за градба спроти „Холидеј Ин“

Антикорупциската комисија ќе истражува кој ги цртал и одобрил ДУП-овите спроти „Холидеј Ин“ и зошто Општината не ги суспендирала плановите коишто не се усогласени со ГУП-от. Билјана Ивановска, претседателката на ДКСК вели дека следат зошто е тајна колку пари добиваат сопствениците на мали хидроцентрали како субвенции за струја од обновливи извори. Во подолгото интервју на #ResPublicaMK, ја прашавме и за софтверот на Драги Рашковски, за случајот со родилката од Струга, платформите на Матка кои се уште стојат. 

Повеќе
  659 Кликови
  0 Коментари

Божин Павловски: Мора ли годинава Македонците да одат во мајчината за да дојдат кротки Северномакедонци или не мора?

Bozin Pavlovski Mora li godinava Makedoncite da odat vo majcinata za da dojdat krotki Severnomakedonci ili ne mora

Со многу горчина и иронија академикот Божин Павловски ја портретира иднината на Македонија. Без многу оптимизам. Прецизно и јасно, како и во неговите 22 романи. Тој веќе 60 години учествува во општествениот и културниот живот на својот народ. И во неговиот последен роман насловен „На пат за Ахасферија“ пишува за тој народ, но овојпат за неговото исчезнување. Видовме како заврши авантурата на Груевски, оваа година е пресудна за експериментот на Заев, вели тој.

Повеќе
  15204 Кликови
  0 Коментари

Пандемијата и земјотресот го урнисаа туризмот во Албанија

За година и пол, Албанија ја погодија две катастрофи - земјотресот во Драч на крај на 2019-тата и КОВИД -19. И двете непогоди оставија сериозни последици по туристичката индустрија. Во #ResPublicaMK зборуваме со Клинтон Грџани, од Асоцијацијата на тур-оператори во Албанија за ситуацијата во која се затекнаа луѓето од овој бизнис, но и научените лекции за во 2021 година.

Повеќе
  361 Кликови
  0 Коментари

Урошевиќ: Меѓу македонскиот и бугарскиот јазик постои ’различна сличност‘

Влада Урошевиќ (1934, Скопје) е авторот којшто ја одбележа и сѐ уште ја одбележува македонската книжевност. Автор на два века, на огромно поетско, прозно и преведувачко творештво, со еден куп нијанси во него: стихови, раскази, есеи, романи, преводи и препеви, критики, научноистражувачки трудови.

Повеќе
  6562 Кликови
  0 Коментари

Горан Черкез: Имунизацијата е само почеток на крајот на кризата со КОВИД 19

Босна и Херцеговина иако нема доволно ресурси за справување со пандемијата на корона вирусот, ситуацијата ја смета за стабилна, a според најавите на Горан Черкез, помошник министер за јавно здравје во Федералното министерство за здравство, вакцините ги очекува на почетокот на следната година.

Повеќе
  2617 Кликови
  0 Коментари

Игор Радев: Бугарија тежнее да нè задуши во „прегратка“, но колку повеќе таа стега, толку ние пожестоко се оттргнуваме

Igor Radev Bugarija teznee da ne zadusi vo pregratka no kolku povee taa stega tolku nie pozestoko se ottrgnuvame

Докторот по кинеска филологија Игор Радев во интервјуто за актуелните јазични прашања со Бугарија вели дека правото на слободно носење одлуки за вакви прашања е дел од дефиницијата на државен суверенитет, и тука нема што некој од страна да се меша.

Повеќе
  9633 Кликови
  0 Коментари

Пандемијата не ги погоди исто мажите и жените

Пандемиите не се родово неутрални, покажуваат наодите од глобалните статистики според кои 54% од жените ги изгубиле работните места, вели Даниела Антоновска која долги години истражува и работи на родови прашања. Во Македонија немаме такви податоци, но забележан е пораст на јавувања за семејно и родово базирано насилство. Антоновска очекува поголем ангажман од пратеничките во Собранието, токму за овие прашања.

Повеќе
  3272 Кликови
  0 Коментари

Ние дефинитивно не сме во војна, но не сме ниту во целосен мир

Цели 25 години по завршувањето на војната во Хрватска, високата политика реши да се обиде да ја разбие хрватско-српската спирала на омраза. Секое лето, од војната па натаму, едните ја прославуваат „Олуја“, воена акција на хрватската армија (ХВ) со која се стави крај на војната, додека други ги одбележуваат злосторствата врз цивилните жртви извршени од припадници на ХВ и полицијата во српските села по „Бура“.

Повеќе
  1417 Кликови
  0 Коментари

Велевски: Во Скопје не вирее био-светот, туку пробисветот

Скопје е град којшто е уморен од профитерски урбанизам, вели професорот Слободен Велевски, од катедрата за Урбанизам на Архитектонскиот факултет. Во интервјуто на Республика, тој посочува на важноста на осмислувањето на „Треска“, на „Расадник“, на паркингот кај „Холидеј Ин“ оти архитектите ги гледаат како последни бастиони што носат шанса на Скопје да му дадат похумано и поквалитетно живеење.

Повеќе
  3672 Кликови
  0 Коментари

Црна Гора не може да биде фактор на нестабилност во регионот

По три децении на изборите, граѓаните на Црна Гора ја сменија Демократската партија на социјалистите, предводена од постоечкиот претседател Мило Ѓукановиќ. Владата,очигледно е дека ќе формира три разновидни коалиции „За иднината на Црна Гора“ ориентирана околу претежно просрпскиот демократски фронт, граѓанската коалиција „Мирот е наша нација“ предводена од Демократска Црна Гора и про-црногорската „Црно на бело“ предводена од Граѓанското движење УРА. Доминантна тема дискутирана пред и по гласањето беше контроверзниот Закон за слобода на вероисповед, поради кој десетици илјади граѓани низ Црна Гора протестираа во последните шест месеци. Граѓаните имаат големи очекувања од новата Влада, а напнатите тензични денови што следуваа по 30 август, според мислењето на долгогодишниот новинар Душко Вуковиќ, ќе продолжат само доколку се усвојат закони со кои досегашната власт ќе треба да докажува како го стекнала енормното богатство.

Повеќе
  1263 Кликови
  0 Коментари

Ивановска: Неосновани се забелешките дека Антикорупциска излегува од своите надлежности

По забелешките на професорката Ана Павловска Данева, нашата национална претставничка во ГРЕКО изнесени во поткастот на Рес публика дека Државната комисија за спречување на корупцијата е неефикасна, недоволно екипирана и делува како орган на прогон, претседателката на Комисијата Билјана Ивановска изнесува неколку контрааргументи зошто таквите обвинувања се неосновани. Таа ја повика претставничката на Македонија во ГРЕКО, да ја посети Комисијата за да се запознае со нејзината работа.

Повеќе
  2899 Кликови
  0 Коментари

Белопета: Културата не смее да застане

Пандемијата ја откри инертноста на институциите од културата кои не направија многу за да се прилагодат на новите услови, вели Оливер Белопета, директорот на Скопскиот џез фестивал. Со него разговаравме за запоставената едукација за негување на културните и општествените вредности, за неопходното ново руво на Универзална сала... Интервјуто на ResPublica се совпаѓа со исчекувањето на владините протоколи за одржување концерти и претстави во затворен простор, додека во истовреме течат сериозни подготовки на следното издание на препознатливиот џез фестивал.

Повеќе
  1590 Кликови
  0 Коментари

Регионални инспектори ќе уриваат дивоградби

Инспекциските служби се борат со прекршителите на законите со далеку помал број вработени од предвидените со систематизацијата. Има инспекторати со пополнетост која е под 50 отсто од предвидената бројка. Претседателката на Инспекцискиот совет Магдалена Филиповска – Грашкоска во интервјуто за #ResPublica најавува промени во Законот за инспекциски надзор, особено во справувањето со дивоградбите.

Повеќе
  2232 Кликови
  0 Коментари

Србија 2020 - режим во време на демократија

Србија со години ја тресат бројни скандали. Но и покрај тоа, апсолутната моќ се наоѓа во рацете на еден човек - Александар Вучиќ. Неговата партија освои околу 62% од гласовите на последните избори во борбата за парламентот. Затоа да се живее во Србија во 2020 година подразбира да се живее во режим кој е демократски само на хартија. Незадоволството се прели и на општеството, а неодамнешните демонстрации се одраз на тоа. Покрај тоа, земјата се наоѓа во здравствена криза, предизвикана од КОВИД-19. Актерите Светозар Цветковиќ и Тихомир Станиќ зборуваат за тоа како изгледа да се биде уметник и граѓанин на Србија.

Повеќе
  1579 Кликови
  0 Коментари

Корона вирусот откри примитивност и себичност кон најблиските

KOVID 19 otkri primitivnost i sebicnost kon najbliskite intro

Со почетокот на пандемијата предизвикана од корона вирусот (Ковид 19) една од стратешките определби на државата во справување со кризата беше да се обезбеди грижа за менталното здравје на населението. За таа цел во Клиниката за психијатрија беа отворени телефонски линии за психолошка поддршка на граѓаните. Директорот на клиниката Стојан Бајрактаров во интервју за „Рес публика“ објаснува дека нашиот народ не е навикнат на изолација, туку на блискост и дека е нормално што тешко му паѓа новиот начин на живот. Тој укажува дека кај одредени групи се јавува примитивен одбранбен механизам односно негирање на вирусот. Тие не ги почитуваат мерките за претпазливост без да се размислат дека се себични кон најблиските. Според него, станува збор за малцинство и повеќето граѓани имаат критички однос кон сопственото однесување, што влева надеж за колективното ментално здравје.

Повеќе
  10649 Кликови
  0 Коментари

  • Блогирај +

    Приклучете се кон тимот соработници и предложете тема или испратeте текст, со Ваша фотографија и куса биографија на info@iks.edu.mk.

    Повеќе

  • Насоки +

    Текстовите треба да имаат помеѓу 900 и 1300 зборови и да бидат напишани во куси пасуси, во разбирлив и неформален стил.

    Повеќе

  • Преземи +

    Содржината на блогот е слободна за споделување и читателите можат да оставаат разумни и конструктивни коментари на блоговите.

    Повеќе

  • 1

Следете нè