fbpx
 

Немањето простор е најголем проблем за развојот на нов, различен, алтернативен, театар во земјава, каде што формата на лабораторија ќе биде пристапна, и каде ќе може да се згреши, за да се дојде до некоја нова естетика – вели режисерот Јане Спасиќ. Тој е убеден дека со пандемијата во иднина театарот ќе стане поважна уметност отколку што е сега, затоа што ќе нуди директен контакт.

По 10.000 земени брисеви и илјадници километри низ Скопје, Денис Јанкуловски - Космонаутко од Центарот за јавно здравје посакува во 2022 година да се врати најубавиот гуш и бац во живо, да заврши короната и да победи љубовта.

„Во 2004 година, имавме 2% присуство на жените во сите спортски организации, што е поразителна бројка. Денес таа е покачена на 8%. Ако ние чекаме на секои 20 години женското присуство да се зголемува за 5 или 10% тогаш немаме никаков напредок“ вели Ленче Алексовска – Величковска, деканка на Факултетот за физичко образование, спорт и здравје.

Нашите животи се одговорност на нашите семејства, а треба и заедницата да ни помогне и да ни го олесни живеењето во Македонија, вели Ѓорѓи Сурловски, лице со интелектуална попреченост. Како атлет на Специјална олимпијада Македонија, занимавајќи се со спорт ја почувствувал разликата како изгледа да се има и да се нема поддршка во тоа што го правиш и тоа што го сакаш за да бидеш среќен.

Анализата за фемициди на Националната мрежа против насилство врз жените покажала дека 60% од жртвите биле убиени од нивниот интимен партнер. Ана Аврамоска од Националната мрежа вели дека алармантната статистика наведува кон неопходните измени и дополнувања на Кривичниот законик со цел соодветно дефинирање на делата „силување“, „сексуално вознемирување“ и „демнење“.

Неисцрпниот материјал на „Скопје 2014“ е провокација за фотографот Александар Кондев, кој визуелно ни го прикажува „наследството“ што им го оставаме на идните генерации. Наследството од Скопје во последните декади е „кичот кој е имитација на среќата, а транзицискиве години се години на мачење, на исчекување, на проблеми.“ - вели тој.

Под итно да се престане со градењето и натрупувањето на нови згради едни до други на сметка на зеленилото во Скопје, вели траперот Драган Иванов - DRUGGY, кој низ својата музика не пропушта да биде совеста за градот. Тој не сака градоначалници „комшии“ и затоа не е тивок за неправдите кои му се прават на Скопје.

Светот живее во мигрантска криза, каде што луѓето (е)мигрираат од една земја во друга барајќи го поубавиот живот - вели Ленче Здравкин, која со години е поддршка на сите бегалци кои транзитираат низ земјава. Видела многу, и сѐ. Различни судбини, вели таа, но човечноста е тоа што треба да нѐ води за да си подадеме рака.

„Дојде време да направиме комора која ќе се обиде да го регулира музичкиот пазар во земјава“, вели Трајко Симоновски – Таци, басист и претседател на Здружението „Музика сега“. Според него пандемијата сериозно ги загрози музичарите, па системскиот пристап кон предизвиците ќе биде од корист и за професионалците, но и за развој на музиката.

Да се биде авторка и мајка во период на пандемија е предизвик бидејќи „тврдината“ на обврски расте, а секоја жена исправена пред неа, со сите свои вештини се раслојува во обид да ја совлада, вели поетесата Ана Голејшка Џикова. Но, на секоја жена и треба соба за себе која за сега е полна со други луѓе, наместо со самите нас.

„Светот уште еднаш покажа како може да изгледа ако се надминат несогласувањата, војните, па дури и пандемијата, еднакво како во визијата на Пјер Кубертен, основачот на современите олимписки игри кој е современик со Гоце Делчев и неговата визија“, вели спортскиот новинар Зоран Михајлов, кој по 15 поминати олимпијади во кариерата, со особена радост го коментира среброто на Георгиевски во теквондо.  

Време е за чистењето на умот од метастазата на информации што постои во цивилизацијата во која живееме и центрите на моќ околу кои гравитираат луѓе што се волци во овча кожа би сакал да станат центри на емпатија и сосрадание, вели поетот Ѓоко Здравески. Во влогот поттикнува осветлување на сопствените темници преку искуство и внатрешен увид и соѕрцание.

Македонија е мала земја во развој која мора да се стреми да продуцира што е можно повеќе инженери по информатика, а не да ги скратува тие потенцијали со реформите кои се прават во основното образование, вели професорот на ФИНКИ, Миле Јованов, кој е воедно и претседател на Здружението на информатичари на Македонија. Досега освоените медали на информатичките Олимпијади се назнака дека досегашната концепција функционираше и не ѝ требаат реформи.

„Првото онлајн судење во Кавадарци, по кое следеа и редица други, покажа дека дигитализацијата ќе овозможи неограничен пристап до правичната правда“, вели претседателот на кавадаречкиот суд Лазар Нанев. Заштедата на ресурси, но и на пари, дури 15 милиони евра на годишно ниво е причина зошто треба да се стремиме на поврзување на нашиот правосуден систем со дигиталниот.

Пандемијата ги натера компаниите да го сменат начинот на комуникација со потрошувачите, сублимира Ирина Маја, директорка за креативни маркетинг стратегии во рекламната агенција Меккен Ериксон. Најбрзите ја сменија улогата, делувајќи солидарно. Научената лекција е дека дигиталниот маркетинг е во пораст, иако телевизијата се уште е доминантниот медиум бидејќи луѓето се дома.

Пандемијата силно ги удри сите занаети. Агрон Фазлији, претседателот на Занаетчиската комора на Македонија вели дека се неопходни итни мерки за поддршка да можат занаетчиствата да си ја задржат амбасадорската улога.

Базените се единствените затворени спортски објекти што работат во моментов и кадешто може безбедно да се спортува, вели маратонскиот пливач Евгениј Поп Ацев. Тој два пати дневно, наутро и попладне, плива за да ја одржи формата за следните натпревари. Апелира да се спортува за го одржиме физичкото и менталното здравје.

Навидум стручни, но сепак недоволно стручни комисии ја решаваат иднината на македонското музичкото творештво, вели композиторката Валентина Велковска – Трајановска. Таа како прва претседателка на Сојузот на композитори на Македонија (СОКОМ) во изминативе 74 години истакнува дека покрај пандемијата, културната политика е предизвик што ќе го дефинира музичкото наследство на земјата.

Политиката денеска не е она што била во античко време - пат до решение на проблемите во државата. Политикологот Илина Мангова вели дека денеска политиката се сведува на остварување на лични интереси. Лекот за ослободување на политичкиот клиентелизам лежи во самостојни, вешти и освестени граѓани.

„Сите родови во книжевноста може да се дом на вистината за општествените прилики во кои живееме за време на пандемијата“, вели писателот Трајче Кацаров. Тој се доживува себеси и своите литературни колеги како постојани трагачи по вистината која не само е инспирација туку и одговорност кон идните генерации.

  • Блогирај +

    Приклучете се кон тимот соработници и предложете тема или испратeте текст, со Ваша фотографија и куса биографија на info@iks.edu.mk.

    Повеќе

  • Насоки +

    Текстовите треба да имаат помеѓу 900 и 1300 зборови и да бидат напишани во куси пасуси, во разбирлив и неформален стил.

    Повеќе

  • Преземи +

    Содржината на блогот е слободна за споделување и читателите можат да оставаат разумни и конструктивни коментари на блоговите.

    Повеќе

  • 1

 

 

 

 

 

 

Следете нè