Qeset plastike nuk do të jenë falas dhe do të shiten për më së paku 10 denarë. Kjo parashihet me ndryshimet e disa ligjeve për menaxhim me mbetjet në të cilat saktësohet deri në fund prodhimtaria dhe distribuomi i qeseve për blerje, që duhet të hyjnë në fuqi vitin e ardhshëm. Në Maqedoni në vit përdoren mbi 150 milion qese, e ato janë afro 2.000 tonë plastikë e cila grumbullohet vështirë dhe mbetet mbi tokë si mikroplastikë. Profesorët vënë në pah se duhet të kihet kujdes se çka na shitet si qese bio-shpërbërëse, sepse te ne si të tilla deklarohen edhe ato që nuk janë të tilla.