Gjorgji Spasov
Para zgjedhjeve të 12 prillit, Moska duket se ka të preferuarin e saj në Maqedoni. Ajo, për arsyet e saj më egoiste, shpreson për fitoren e mundshme të Mickoskit në zgjedhje, i cili është shpresa e vetme që VMRO të mbetet dorë e zgjatur e diplomacisë ruse në Maqedoni. Pse? Sepse Mickoski është i vetmi udhëheqës i një partie politike serioze që nga njëra anë vazhdimisht përsërit se partia e tij është për anëtarësimin e Maqedonisë në NATO dhe BE, por në të njëjtën kohë për anulimin ose ndryshimin e "marrëveshjes kapitulluese" me Greqinë me të cilën u bë i mundur ky anëtarësim.
Rusia nuk është e lumtur me anëtarësimin e Maqedonisë në NATO. Por ajo është e vetëdijshme se nuk mund të ndikojë më në të. Bëri gjithçka për ta komplikuar dhe vështirësuar procesin e anëtarësimit dhe në mënyrë të qartë e bëri të ditur se e kundërshton atë politikë. Ajo i dha mbështetje politike forcave që po përpiqeshin të parandalonin ose të prishin vendimet që çuan në anëtarësimin e Maqedonisë në NATO, por në fund të fundit duhej të pajtohej me faktin se anëtarësimi në NATO i Maqedonisë së Veriut po bëhej realitet. Maqedonia është një vend i vogël në Ballkan dhe nuk ka interes të madh për Rusinë në politikën e saj energjetike, dhe, siç do të thonë disa analistë, ajo dhe Mali i Zi janë mjaft larg kufijve të Rusisë për të qenë ndonjë kërcënim për sigurinë e saj.
Rusia e Vladimir Putinit ka Serbinë dhe Republikën Srpska si kështjellën e saj politike dhe të sigurisë në Ballkan. Në betejën globale me Perëndimin për mbizotërimin në Ballkan, duket se ajo ambiciet e saj i drejton në ndërlikimin e situatave në Ballkan, gjegjësisht në ruajtjen e tensionit politik dhe jo-stabilitetit para së gjithash përmes fuqisë së mbështetjes së forcave nacionaliste në rajon, partive autoritare dhe udhëheqësit që i konsideron për dorën e saj të zgjatur edhe përmes krerëve dhe priftërinjve të kishave pro-ruse.
Ndërhyrja ruse në Ballkan dhe Maqedoni
Moska ndoshta nuk mund ta falë Zaevin për hapin e bërë radikal drejt anëtarësimit në NATO, por me siguri do të bëjë gjithçka për të ndikuar në zgjedhjet e ardhshme në Maqedoni.
'Ndërhyrja e Moskës (në Ballkan) - thuhet në një kolumnë të gazetës Athens voice, e botuar mbi kundërshtimin e Rusisë për marrëveshjen me të cilën u zgjodh konteksti rreth emrit, është i dyanshëm: nga njëra anë i ka fortesat e veta në qarqet nacionaliste ekstremiste djathtiste në Greqi, mes të cilave edhe në Sveta Gora, dhe nga ana tjetër - i aktivizon kundërshtarët e marrëveshjes në Maqedoni mbi të gjitha në partinë VMRO, struktura e së cilës ka qenë një dorë e zgjatur e diplomacisë ruse që nga fundi i shekullit të 19-të ”.
Nëse vendoset ky konstatim (për VMRO-në si dorë e zgjatur e diplomacisë ruse), atëherë lind pyetja nëse Mickoski është i vetëdijshëm se në cilin drejtimin po e çon politikën e tij, dhe nëse qytetarët maqedonas mund ta njohin atë dhe çfarë zgjidhje i ofrohen për zgjedhjet e radhës.
Është fakt që interesi i Rusisë ishte ta mbajë Maqedoninë sa më larg NATO-s dhe BE-së. Politika e Gruevskit dhe Ivanovit në Moskë u konsiderua shumë e pranueshme. Ata gëzonin mbështetjen e Moskës edhe kur e zgjodhën kontestin për borxhin rus ndaj Maqedonisë me një marrëveshje korruptive për angazhimin e firmave ruse për gazifikim, kur refuzuan të vendosin sanksione ndaj Rusisë pas aneksimit të Krimesë dhe kur i nënshkruan marrëveshjet për gazsjellësit të rrjedhës jugore dhe rrjedhës së Turqisë. Kjo është arsyeja pse Ivanov u bë doktor nderi në Universitetin Lomonosov duke pohuar se Moskovitët e flisnin gjuhën e lashtë të maqedonasve, ndërsa Gruevski mori azil politik te miku i Vladimir Putinit në Budapest, Victor Orban.
Burim: macedonia365.com
Administrata e Putinit bëri gjithçka që mundi për të mbajtur në pushtet VMRO-DPMNE-në dhe Ivanov, duke diskredituar revolucionin laraman si "Një grusht shteti i organizuar nga Perëndimi për një ndryshim të dhunshëm të pushtetit". Rusia jepte mbështetje që të mos ketë sukses referendumi për ndryshimin e emrit dhe të mos vijë deri në ndryshime në kushtetutë dhe dërgonte mesazhe që "Qeveria e re e Maqedonisë merr vendime dhe sundon kundër vullnetit të popullit".
Për hir të së vëretës, retorika përkoi plotësisht me retorikën e VMRO-DPMNE-së edhe pasi Gruevskit ju dha azil në Budapest dhe udhëheqësi i ri i partisë u bë Hristian Mickoski.
Mickoski është i preferuari i Moskës
Dhe tani, para zgjedhjeve të 12 prillit, Moska duket se ka të preferuarin e saj në Maqedoni. Ajo, për arsyet e saj më egoiste, shpreson për fitoren e mundshme të Mickoskit në zgjedhje, i cili është shpresa e vetme që VMRO të mbetet dorë e zgjatur e diplomacisë ruse në Maqedoni. Pse?
Arsyeja kryesore është se Mickoski është i vetmi udhëheqës i një partie politike serioze që nga njëra anë vazhdimisht përsërit se partia e tij është për anëtarësimin e Maqedonisë në NATO dhe BE, por në të njëjtën kohë për anulimin ose ndryshimin e "marrëveshjes kapitulluese" me Greqinë me të cilën u bë i mundur ky anëtarësim.
Mickoski thotë se ndryshimi në atë Marrëveshje dhe Kushtetutë mund të ndodhë nëse partia ose koalicioni i tij fiton një shumicë prej dy të tretave në Kuvend, nëse ai propozim për ndryshimin e marrëveshjes dhe Kushtetutës mbështetet nga shumica e deputetëve të pakicave në Kuvend dhe është i vetëdijshëm se pothuajse është e pamundur. Megjithatë ai thotë: "Unë nuk premtoj diçka që nuk është e mundur. Por gjithçka është e mundur ".
Duke vepruar kështu, ai realisht mban shpresën e Rusisë për daljen e Maqedonisë nga NATO dhe për një ndërlikim të ri të marrëdhënieve në Ballkan. Mbështetja propagandistike për një politikë të tillë nga Mickoski ngre dyshime shtesë për lidhjet e tij me Moskën.
Tashmë është njohuri e përgjithshme që aparati propagandistik i opozitës aktuale maqedonase mirëmbahet nga disa burime të fshehta financiare të drejtuara prej Hungarie, ku Gruevski mori azilin politik edhe nga kompani offshore me qendër në Belize prona e së cilës është e lidhur me njerëz që u pasuruan nga afërsia me regjimin e Gruevskit. Propaganda ruse në Maqedoni dhe propaganda e Mickovskit për momentin kanë të njëjtat synime dhe përputhen plotësisht. Së këndejmi lind pyetja nëse pretendimi i ish-sekretarit të përgjithshëm të VMRO-së Petar Bogoevski është i vërtetë "VMRO-DPMNE aktualisht është rrëmbyer nga fanatikë pro-rusë të udhëhequr nga Mickovski ".
Fushata e përbashkët e nacionalistëve maqedonas, grekë dhe bullgarë
Është për tu pritur, dhe tashmë bëhet e qartë se mbështetja e Mickovskit nga Moska në këto zgjedhje do të vijë kryesisht përmes propagandës që synon të arrijë dy qëllime:
I pari. Për të ngritur dhe ruajtur ndërgjegjësimin se qeveria e Zaevit ka kryer "tradhti kombëtare" duke nënshkruar Marrëveshjen me Greqinë, se vullneti i qytetarëve nuk u respektua në referendum, se Kushtetuta u ndryshua me forcë dhe ryshfet, dhe se ata që e bënë këtë pas ndryshimit të qeverisë jo vetëm që do të japin përgjegjësi politike por do të ndiqen edhe penalisht. Fushata për atë se është arritur një marrëveshje e keqe edhe me Greqinë edhe me Bullgarinë nuk do të përfshihen vetëm ekspertë të ndryshëm botëror dhe "patriotë" nga diaspora maqedonase por edhe nacionalistë grek të cilët do të pretendojnë se nuk janë të mbrojtur as identiteti e as gjuha maqedonase, por edhe nacionalistë bullgarë që do të bëjnë të ditur se për Marrëveshjen për miqësi me Bullgarinë kemi hequr dorë edhe nga historia kombëtare, nga gjuha ashtu edhe nga pakica kombëtare maqedonase.
E gjithë kjo duhet të çojë në bindje masive për "budallallëkun e ndryshimit të emrit" dhe se Maqedonia dha çdo gjë dhe nuk ka marrë asgjë në këmbim.
I dyti, Mickoski do të presë dhe tashmë po merr ndihmë në formën e "materialeve komprometuese për qeverinë". Instalimet e shërbimeve të ndryshme të sigurisë në bashkëpunim me nëntokën kriminale dhe rrjetin e propagandës kanë për detyrë të raportojnë vazhdimisht biseda të përgjuara nga zyrtarë të qeverisë për të dëshmuar se Zaev dhe i gjithë rrethi i tij, madje përfshirë gjyqësorin, nuk janë më pak të korruptuar se ekipi i Gruevskit , se janë duke kurdisur proceset gjyqësore politike dhe se e keqpërdorin pushtetin në të gjitha nivelet. Nga "La Verita" në Itali te portali "Infomax" që feston fuqinë ushtarake të Rusisë, dhe nga Alfa TV që është në pronësi të biznesmenëve hungarezë, deri në Kurir dhe Republika që u formuan me para nga kompani offshore në Belize, madje një seri portalesh, pronësia dhe financimi i të cilave janë të dyshimta deri te njëfarë El Çeka, deri në ditën e zgjedhjeve do të garojnë në përhapjen e lajmeve të rreme, degradimin dhe shpifje për qeverinë e Zaevit dhe bashkëpunëtorëve të saj. Prankerët rusë që thirrën në telefon Zaevin, por jo Mickovskin, ishin thjesht një provë për këtë.
Propaganda serbe për të përhapur frikën nga shqiptarizimi
Ndihma e forcave nacionaliste, partive dhe liderëve në Maqedoni do të vijë duke përhapur frikën për formimin e Shqipërisë së Madhe dhe duke ruajtur tezën se Zaev ua shiti gjuhën shqiptarëve, gjë që do të rezultojë në shqiptarizimin e Maqedonisë ose federalizimin e saj. Sipas sinjaleve aktuale që vijnë nga disa media në Serbi (RTS, Informer, Serbia Danas dhe të tjera) që bëjnë fushatë kundër qeverisë së Zaev së pari duhet të binden që serbët të mos votojnë partitë në koalicionin aktual qeveritar, dhe mundësisht të organizohen përplasje ndëretnike në Maqedoni që do të rrezikonin konceptin e Zaevit për Maqedoninë - "Një shoqëri për të gjithë" dhe do të kthenin në skenë mobilizimet etnike dhe konfliktet etnike gjatë zgjedhjeve.
Një mundësi e mirë për incidente të tilla duket se do të jetë ndeshja e futbollit mes Maqedonisë dhe Kosovës, e cila do të zhvillohet në stadiumin në Shkup më 26 Mars, gjegjësisht dy javë para zgjedhjeve parlamentare.
Që prej tash, sipas portalit "Infomax", grupi nxitës i komitëve të klubit të futbollit Vardar, në pronësi të biznesmenit rus Samsonenko, (i cili u pasurua shumë gjatë regjimit të Gruevskit dhe ndërtoi kishën ruse në Shkup) zhvilloi një takim në tempullin ortodoks në Tetovë, me përfaqësues të të gjitha grupeve të tjera të tifozëve "maqedonas etnikë" në mënyrë që të "përgatiten" për tifo të ndeshjes së futbollit Maqedoni Kosovë.
Grupi i tifozëve Komiti është i njohur për parullat e veta "Asnjëherë e Veriut - Vetëm Maqedoni", por edhe për parulla shoviniste që shkaktojnë intolerancë etnike. Dhe nuk do të ishte e pazakontë që grupe të tilla brohoritëse të përdoren për qëllime politike pasi grupi nxitës i klubit grek të futbollit Paok në pronësi të biznesmenit grek Savidis (një mik i ngushtë i Putinit) iu bashkua atyre në protestat e qershorit në Greqi kundër marrëveshjes me Maqedoninë dhe "iu bashkua zërin e tij me ata që brohorisnin Maqedonia është vetëm Greke".
Nga ana tjetër, klubi i tifozëve të klubit të futbollit Shkëndija "Ballistët" menjëherë pas takimit të "komitëve" në Tetovë njoftoi se ata po bashkojnë tifozët etnikë të futbollit në Maqedoni që të brohorisin për Kosovën atë ditë. Dhe portali "Infomax" që e boton atë lajm, njëkohësisht e komenton me titullin "I paguajmë që të na pështyjnë". Në të njëjtën kohë, ajo faqe përcjell mesazhin nga grupi i "Shvercerëve" se atë ditë në ndeshjen e futbollit Maqedoni - Kosovë nuk do të brohorasin as për Maqedoninë e as për Kosovën, sepse ata vetëm brohorasin për Shqipërinë.
Ka mbrojtje nga dora e zgjatur e diplomacisë ruse
Maqedonia është vend i vogël. Dhe do të jetë e vështirë t'i kundërvihet propagandave dhe ndërhyrjeve në zgjedhje nga shtetet e mëdha.
Nëse ka dyshime se Rusia ka gisht në zgjedhjen e Trumpit dhe rezultatin e Brexit, nuk duhet të na befasojë përpjekja e saj për të ndikuar në rezultatin e zgjedhjeve në Maqedoni. Në fakt, kjo përpjekje tani është më e dukshme përmes partisë së Mickovskit. Por fakti është se, përveç zbulimit të lidhjeve dhe qëllimeve të tilla, shumë gjëra mund të parandalohen dhe pamundësohen duke thënë me kokëfortësi të vërtetën dhe prapavijën e ngjarjeve, duke përdorur në mënyrë efektive instrumentet e fuqisë për të parandaluar ngjarje të pakëndshme, por edhe duke ekspozuar manipulimin e mendimit publik nga ata që kanë akuzuar në mënyrë të përsëritur të tjerët për tradhti kombëtare dhe mungesë patriotizmi dhe që shpresojnë në atë se së shpejti në Maqedoni do të rritej ndikimi i "Qendrave prosperuese euroaziatike të pushtetit".
Ju lutemi lexoni rregullat para se të komentoni ose para se të merrni përmbajtjen
Vërejtje: Mendimet dhe qëndrimet e këtij shkrimi janë të autorit dhe nuk i reflektojnë pozicionet e Institutit për studime komunikuese e as të donatorit.
