Sefer Tahiri ka përfunduar studimet e doktoraturës me temën "Ndikimi i partive politike në politikën redaktuese të Shërbimit të Transmetimit Publik - Radio dhe Televizioni i Maqedonisë (1998-2006)". Ai jep leksione në lëndë nga fusha e medias dhe komunikimit në Fakultetin e Gjuhëve, Kulturave dhe Komunikimeve në Universitetin e Evropës Juglindore në Tetovë dhe në Institutin për Studime të Komunikimit në Shkup. Tahiri ka 15 vjet përvojë gazetarie. Ai ka punuar si gazetar dhe redaktor në gazetën Fakti, në programin e gjuhës shqipe në MTV, ALSAT-M TV dhe ka qenë korrespondent i Radios Evropa e Lirë nga Shkupi - programi në gjuhën shqipe. Ka marrë pjesë në projekte të ndryshme studimore në fushën e mediave dhe komunikimit.
