Марија Топузовска Латковиќ

Вон. проф. д-р Марија Топузовска Латковиќ работи во Институтот за социолошки и политичко–правни истражувања – УКИМ од 2006 година. Професор е на постдипломските студии по Менаџмент на човечки ресурси и на докторските студии по Организациски науки (Менаџмент) и Социологија на организација. Редовно објавува научни трудови во домашни и меѓународни научни списанија, а како раководител и главен истражувач или член на истражувачки тим, учествувала во повеќе национални и меѓународни проекти. Како член на работна група непосредно учествувала во креирањето на Националната стратегија за вмрежување, соработка и намалување на одливот на високообразовани и стручни кадри (2013-2020), како и во консултативниот процес за изготвување на Националната стратегија за млади (2015-2026). Теми од истражувачки интерес: младите и вработувањето, организациско однесување, доживотно учење, квалитет на работен живот.