Весна Попоска (1988) е независна аналитичарка и активистка, вонредна професорка по меѓународно право и меѓународни односи. Дипломирала и магистрирала на правниот факултет во Скопје, на катедрата за меѓународно право и меѓународни односи под менторство на професорот Сашо Георгиевски. До денес, таа е единствената жена која докторирала на Воената академија „Генерал М. Апостолски“ во Скопје. Алумнистка е на повеќе образовни проекти, како што се школата за политика на Советот на Европа, претседателската школа за млади лидери и младинската мрежа на фондацијата за европски прогресивни политики со седиште во Брисел. Нејзина примарна сфера на интерес е интерплејот на правото и слободата со современите безбедносни предизвици.
