fbpx

Денешната работа не ја оставај за утре!

Поткасти

Ин медиас рес

27.12.24

Прегледи

Денешната работа не ја оставај за утре!

Поткаст | Ин медиас рес | 27 декември 2024

Претходното издание на Ин Медиас Рес зборувавме за активизмот кај младите, Студентскиот пленум и промените кои тој ги донесе, лекциите кои ги научивме, можностите за младите да се активираат денес и да придонесат во креирањето на подобра иднина за себе и за другите, но и за младите кои, за жал, сакаат „карта во еден правец“.

Во ова издание решивме да се надоврземе на темата млади, но од една поинаква перспектива – да зборуваме за можностите да се изгради професионална кариера и/или да се започне свој бизнис потфат во државата, за можностите за раст на таквиот (евентуален) бизнис, за претприемачкиот дух, за предизвиците во работата и слично.

Што беше нашата идеја?

Идејата беше да поттикнеме желба и мотив за сопствено надоградување кај младите, но и реално да ги согледаме потешкотиите и предизвиците со кои тие ќе се соочат при сопственото надоградување и надоградувањето на нивниот бизнис.

Константин Битраков разговараше со двајца исклучителни професионалци, Виктор Стојкоски, генерален секретар на Асоцијацијата за е-трговија на Северна Македонија и претприемач и Виктор Митевски, кој е еден од основачите на ЗМАИ – Здужението за истражување и анализи.

Пораката која може да ја извлечеме од она што двајцата гости го кажаа е следнава: денешната работа не ја оставај за утре! Или, во нашава конотација, започни што поскоро да ги реализираш своите идеи, зацртај цели и тргни кон нив.