Дина Бајрамспахиќ е истражувач на јавни политики на Институтот Алтернатива (ИА), непрофитна, тинк-тенк организација. Таа работи на таа позиција веќе десет години и според описот на работното место таа ги координира активностите на ИА во програмската област „Владеење на правото“, што вклучува реформа на безбедносниот сектор и реформа на кривичното право. По професија е политиколог, специјализирана за европски политики. Го има пријавено магистерскиот труд на Факултетот за политички науки во Подгорица, на тема „Контролната функција на Собранието на Црна Гора во областа на безбедноста и одбраната“, насока - евроатлантски интеграции. Вклучена е во пристапните преговорите на Црна Гора со Европската Унија како член на Работната група за Поглавје 23 „Правосудство и темелни права“ и е активно вклучена во политиката на проширување и инструментите на ЕУ во однос на регионот.