Влијанието на медиумската писменост врз социјалната интеграција кај деца со попреченост

Марија Давчевска

Апстракт

Медиумската писменост игра голема улога во процесот на социјалната интеграција кај децата со попреченост, овозможувајќи им да се вклучат во заедницата според своите потреби, интереси и можности. Во многу случаи, овие деца можат да се чувствуваат изолирани или исклучени од општеството поради нивните попречености. Медиумската писменост може да им обезбеди пристап до информации, комуникација со другите и можност за учество во различни активности и искуства. Целта на ова истражување е да се добие подетално разбирање за влијанието на медиумската писменост врз социјалната интеграција кај децата со попреченост и да се идентификуваат можности за подобрување на нивниот пристап до медиумската писменост и социјалната интеграција. Истражувањето се базира на користење на анкетен лист како метода за собирање податоци за 15 родители на деца со попреченост и 15 наставници. Методологија: Анкетата содржи прашања кои ја истражуваат честотата на користење на медиумите, влијанието на медиумската писменост врз социјалната интеграција, учеството во активности преку медиумската писменост, предизвиците и ресурсите за користење на медиумската писменост, како и препораки за подобрување на пристапот до медиумската писменост за децата со попреченост. Резултати и заклучоци: Резултатите покажаа дека примената на медиумската писменост може значително да ја подобри социјалната интеграција на децата со попреченост, преку обезбедување пристап до информации, комуникација со околината и можност за учество во различни активности. Врз база на добиените резултати, се предлагаат препораки за развој на програми и интервенции за поддршка на овие деца во општеството.

Клучни зборови: медиумска писменост, деца со попреченост, социјална интеграција