Потребата од медиумска писменост и заштита на дигиталниот идентитет на младите

Лила Каранфиловска

Апстракт

Во денешно време, нашите животи се целосно испреплетени во дигиталниот свет, а онлајн-активностите оставаат траен белег, односно дигитален отпечаток. Информациите што ги споделуваме и податоците што ги генерираме оставаат неизбришлива трага на интернет, обликувајќи ја не само нашата онлајн-репутација, туку и нашите идни можности и безбедност. Затоа, важно е да се разбере дигиталниот отпечаток и како да се движите низ пејзажот на своите онлајн-идентитети. Во онлајн-сферата, нашиот дигитален идентитет е „начин безбедно да потврдиме кои сме на интернет додека нудиме заштита на податоците и ги заштитуваме нашите лични информации“. Во практиката, тоа е продолжување на нашите документи за идентификација, но и збирни информации за нас кои постојат на интернет, а можат да ни обезбедат дигитално претставување како поединци. Нашиот онлајн-идентитет се сите информации што ги оставаме на интернет.  Содржи витални информации за тоа кои сме ние и може да вклучи повеќе сметки, податоци за прелистувањето, историја на купувањето и повеќе. Ако поминувате некое време на интернет, веќе имате дигитален идентитет. За да го заштитиме нашиот дигитален идентитет од кражба, треба да преземеме основни чекори за сајбербезбедност, како што се поставување силна лозинка и користење двофакторна автентикација. За да избегнете да станете жртва на кражба на дигиталниот идентитет поради длабоки фалсификати, од суштинско значење е прво да се разберат сите предизвици и опасности што демнат во онлајн-просторот.

Клучни зборови: интернет-безбедност, отпечаток од прст, лозинка,  онлајн-идентитет, длабинско лажно видео и слики