Прилагодување кон новата медиумска реалност: потребата од мултиплатформски пристап во градењето на стратегиите за брендирање на локалните и регионалните медиуми

Број 7 | декември 2025
м-р Александар Манасиев
Новинар и медиумски консултант

Апстракт

Дигитализацијата суштински ги трансформираше начините на продукција, дистрибуција и консумација на медиумската содржина, со што се промени традиционалниот медиумски пејзаж. Во таква средина, локалните и регио­налните медиуми се соочуваат со зголемени притисоци поврзани со видли­воста, ангажманот на публиката и долгорочната одржливост, особено доколку не успеат да се приспособат на новите дигитални и платформски услови. Овој труд ги анализира стратегиите за брендирање што ги применуваат локалните и регионал­ните медиумски организации во дигиталната ера, со посебен фокус на ефектите од мултиплатформскиот пристап. Основната хипотеза е дека медиумите што сис­тематски користат повеќе платформи и различни формати на содржина оствару­ваат поголема видливост на брендот и повисок степен на ангажман на публиката во споредба со медиумите што се потпираат на една платформа. Истражувањето се темели на квантитативна анализа на анкетни податоци собрани од локални и регионални медиуми во Македонија и опфаќа анализа на нивното присуство на веб-платформи, социјални медиуми и мобилни апликации. Посебно внимание е посветено на три клучни елементи на мултиплатформската стратегија: употре­бата на мултимедијална содржина, интерактивните формати и содржината гене­рирана од корисниците (UGC). Резултатите укажуваат дека медиумите што при­менуваат мултиплатформски пристап бележат значително поголема видливост и поинтензивен ангажман на публиката. Видеосодржините се издвојуваат како најефективен формат, додека интерактивните форми и UGC покажуваат потен­цијал за зајакнување на довербата, кредибилитетот и релацијата меѓу медиумот и публиката. Спротивно на тоа, медиумите што не користат мултиплатформски стратегии најчесто имаат ограничен досег и пониска препознатливост на брен­дот. Заклучно, трудот потврдува дека мултиплатформските стратегии за медиум­ско брендирање претставуваат клучен фактор за одржливост и конкурентност на локалните и регионалните медиуми во современиот медиумски екосистем.

Клучни зборови: медиумско брендирање, мултиплатформски пристап, локални медиуми, мултимедијална содржина, ангажман на публиката

Оваа веб-страница е изработена во рамките на проектот „Следење, откривање и разобличување на скриеното странско мешање и манипулирање со информации“, кој се реализира од Институтот за комуникациски студии. Проектот е финансиран од Владата на Обединетото Кралство, со поддршка на Британската амбасада во Скопје. Мислењата и ставовите наведени на оваа веб-страница не ги одразуваат секогаш мислењата и ставовите на Британската Влада. Целата содржина е со Creative Commons License (CC BY-NC 4.0), односно е слободна за редистрибуција со почитување на определени правила.