Разлика во корпоративната комуникација помеѓу информатичкo-технолошките организации и информатичко-технолошки оддел

М-р. Ана Трпчевска

Апстракт

Комуникацијата е централниот феномен во организациите и е особено важна за менаџментот. Нормално, како активност, таа окупира голем дел од вре­мето на менаџерите, па затоа подобрување на комуникациските вештини, директно или индиректно придонесува за подобрување на организациските пер­форманси. Организациската комуникација, претставува сложен и континуиран процес преку кој организациските членови ја креираат, одржуваат и менуваат ор­ганизацијата. Информатичката технологија (ИТ) е примена на компјутери и теле­комуникациска опрема за складирање, преземање, пренос и манипулирање со податоци, често во контекст на бизнис или друго претпријатие. Како што употре­бата на електронска комуникација стана се почеста за бизниси од сите големини, така се зголемува потребата за создавање на оддели за ИТ во секоја компанија, која најчесто употребува телефонија и интернет уреди за водење бизнис. Oдделот за ИТ е збир на лица кои се експерти кога станува збор за електронски комуника­ции од секаков вид. Во голема организација, ИТ одделот може да биде задолжен дури и за стратешко планирање, се со цел да се осигура дека воспоставените ИТ иницијативи ги поддржуваат деловните, односно бизнис целите на самата органи­зација. За разлика од ИТ секторот, кој е составен дел на една корпоративна ком­панија, ИТ компанија претставува индивидуален правен субјект, кој не е дел од не­која компанија, туку делува самостојно и има различна организациска структура. Главна разлика забележуваме во управувањето, членовите во самата компанија, односно сектор, а со тоа и во комуникацијата на ИТ секторот и ИТ компанијата.

Клучни зборови: корпоративна комуникација, организациска комуникација, ин­форматичко-технолошки организации, ИТ менаџмент, комуникациски процеси